Башкы прокуратура: аскердик машыгуулардын шайлоого тиешеси жок

© Sputnik / Табылды КадырбековКомандно-штабные учения в учебном центре "Ала-Тоо"
Командно-штабные учения в учебном центре Ала-Тоо - Sputnik Кыргызстан
Жазылуу
9-декабрда өткөн Куралдуу күчтөрдүн машыгуусу боюнча "Жарандык көзөмөл комитети" башкы прокурорго кайрылган. Уюм жарандык нааразылыкты басууга армияны катыштыруу Баш мыйзамга каршы келерин белгилеген.

БИШКЕК, 23-дек. — Sputnik. Бийлик армияны шайлоодон кийинки нааразылык акцияларын басыш үчүн колдонушу мүмкүн делген маалымат чындыкка дал келбей турганын Башкы прокуратуранан басма сөз кызматы билдирди.

Курал кармаган аскерлер, тизилген техника. Кыргыз армиясынын даярдыгы видеодо - Sputnik Кыргызстан
Курал кармаган аскерлер, тизилген техника. Кыргыз армиясынын даярдыгы видеодо
Буга чейин "Ала-Тоо" полигонунда өзгөчө абал режими киргизилген учурдагы аскерлердин аракети боюнча машыгуу өткөн.

Аталган машыгуудан кийин "Жарандык көзөмөл комитети" башкы прокурор Курманкул Зулушевге кайрылгандыгы буга чейин бир катар жалпыга маалымдоо каражаттарына жарыяланган.

Башкы прокуратура уюмдун кайрылуусунда айтылгандар чындыкка дал келбей тургандыгын билдирип, машыгуу бир нече мамлекеттик органдар менен биргеликте өзгөчө абал режиминде тапшырмаларды аткарууга даярдык көрүү үчүн болгонун маалымдады.

"9-декабрда 73 809 аскер бөлүгүндө өткөн комплекстүү командалык-штабдык машыгууга элдик кошуун, Ички иштер, Өзгөчө кырдаалдар жана Саламаттык сактоо министрликтеринин кызматкерлери жана өлкөнүн Куралдуу күчтөрү катышкан. Машыгуунун максаты –– өзгөчө абал режими киргизилген учурда армия менен башка мамлекеттик органдардын өз ара аракеттенүүсүнө даярдык көрүү", — деп жазылат башкы көзөмөл органдын маалыматында.

Башкы прокуратура жогоруда айтылган машыгуу шайлоого эч кандай тиешеси жок экендиги аныкталганын кошумчалады.

Жаңылыктар түрмөгү
0