Кыргыз кызы Элес көркөм муз тебүү боюнча Австриянын чемпиону болду. Видео

© Фото / Капар НамазалиевУроженка кыргызстана, фигуристка сборной Австрии Элес Намазалиева
Уроженка кыргызстана, фигуристка сборной Австрии Элес Намазалиева - Sputnik Кыргызстан
Жазылуу
НовостиTelegram
Тогуз жаштагы Элес өлкөнүн бардык шаарынан келген 22 атаандашынын ичинен суурулуп чыгып баш байгени багындырган.

БИШКЕК, 14-дек. — Sputnik. Элес Намазалиева көркөмдөп муз тебүү боюнча Австриянын чемпиону болду. Бул тууралуу маалыматты Sputnik Кыргызстанга атасы Капар Намазалиев тастыктады.

Посмотреть эту публикацию в Instagram

Публикация от Skate Austria (@skateaustria)

Анын айтымында, өлкө чемпионаты 10-12-декабрь күндөрү Линц шаарында өткөн. Элес Австриянын бардык шаарынан келген 22 атаандашынын ичинен суурулуп чыгып баш байгени багындырган.

"Кызым мектеп курагындагылар категориясында катышты. Анын атаандаштары өзүнөн 2-5 жашка чейин улуу эле, Элес эң кичүүсү болду. Ошого карабай биринчи орунду багындырып бизди кубандырды. Анын бул чемпионатка кие турган көйнөгүн атайын буюртма берип Бишкектен тиктиргенбиз", — деди Намазалиев.

Элес Намазалиева 9 жашта, көп жылдан бери ата-энеси менен Австриянын Линц шаарында жашайт. Ал 2015-жылдан тарта муз аянтына чыгып, өз өнөрүн өркүндөтө баштаган. Учурда көркөмдөп муз тебүү боюнча Автриянын курама командасынын мүчөсү.

Буга чейин Элес Австрияда облустар аралык чемпионатта 1-орунду, Спорттук клубдар арасындагы чемпионатта дагы баш байгени, Хипполит кубогунда 2-орунду алган.

Мындан сырткары, ал 2016-жылдан тарта ушул сыяктуу бир топ конкурстардан алдыңкы орундарды ээлеп, Хорватия, Италияга да барып эл аралык сынактарга катышкан.

Элес тууралуу жана башка маалыматтарды кененирээк атасы менен болгон маектен окуй аласыздар.

Жаңылыктар түрмөгү
0