Радиостудия Sputnik Кыргызстан в Бишкеке - Sputnik Кыргызстан
Радио

Жаналиев: быйыл карантинде ооруган бактарды дарылап алганга жетиштик

© Sputnik / Табылды КадырбековЗаместитель директора муниципального предприятия "Зеленстрой" Рысалы Жаналиев
Заместитель директора муниципального предприятия Зеленстрой Рысалы Жаналиев - Sputnik Кыргызстан
Жазылуу
"Бишкек жашыл чарба" муниципалдык ишканасынын башкы агроному Рысалы Жаналиев бул жылы борбор калаада он миңге жакын бак-дарак отургузулганын айтты.
Жаналиев: быйыл карантинде ооруган бактарды дарылап алганга жетиштик

Бишкектеги бак-дарактардын көбү эскирип, куурап калган. Анын үстүнө шаар ичиндеги эл көп жашаган аймактардагы бактардын өмүрү токойдогуга караганда аз болот. Биз аларды көчөттөргө эмес, чоңураак дарактарга алмаштырганга аракет кылып жатабыз. Бул тууралуу Рысалы Жаналиев Sputnik Кыргызстан радиосунун эфиринде маек куруп жатып билдирди.

Анын айтымында, быйыл калаадагы 500дөй куураган эски бак кыйылган.

"Карантин жарыяланганда борбор калаанын абасы, көчөлөрү бир топ эле тазаланды. Көчө бош тургандыктанбы, айтор шаар гүлдөп, жапжашыл болуп көркүнө чыга түштү. Биз адамдардын үйдө отурганынан пайдаланып ооруган бактарга дары-дармак чачып, дарылап алдык. Азыр жыйынтыгын көрүп жатабыз. Кышка чейин ирригациялык түйүндөрдү тазалап, жалбырактарды кардын алдына калтырбай чыгардык. Ал эми учурда жол жакты карай өсүп, борбордук көчөлөрдө адамдардын басуусуна тоскоолдук жараткан же куурап калган бактардын бутактарын кесүү менен алектенүүдөбүз. Себеби бул мезгилде бак-дарактар уйкуга кирет. Жазында жаан-чачын жааган учурда суу көтөрүлүп каптайт эмеспи, ошондуктан кышкысын жабык жана ачык дренаждык суу системаларын тазалап, таштандыдан арылттык. Азыр ийне жалбырактуу бак-дарактарды отургузуп жатабыз", — деди Жаналиев.

Агроном Бишкекти жетиштүү деңгээлде жашылдандырууга ирригациялык системанын жана техниканын жетишсиздиги тоскоолдук жаратып келерин кошумчалады.

Жаңылыктар түрмөгү
0