БИШКЕК, 25-ноя. – Sputnik. Бүгүн, 25-ноябрда, Сокулук райондук соту алты жаштагы өгөй баласын сабады делген А.Б. аттуу жарандын баш коргоо чарасын тандады. Бул тууралуу Чүй облустук милициядан билдиришти.
"Сот шектүүнү эки айга өлкөдөн чыгарбоо чечимин кабыл алды. Ошондой эле баланын энеси жазды делген тосмо арыз Сокулук райондук тергөө кызматына түшкөн эмес", — деп айтылат маалыматта.
Белгилей кетсек, буга чейин социалдык өнүктүрүү министри Ализа Солтонбекова жеткинчектин энеси жолдошун абактан бошотуп коюуну суранып тосмо арыз жазганын айткан. Бирок буга карабастан министрлик баланын өгөй атасы менен соттошорун белгилеген.
Шектүү 23-ноябрда убактылуу кармоочу жайга киргизилген.
9 Баш оона 2020, 12:43
Буга чейин баланын сабалганы боюнча маалымат соцтармактарга тараган. Жеткинчектин денеси көгала болуп, бети шишип кеткен. Ошондой эле көзүнө кан уюган. Таякталган баланын сүрөтү дагы жарыяланган. Маалыматта киши аялдын экинчи күйөөсү жана андан кош бойлуу экени айтылган. Бойдон түшүп калуу коркунучу болгондуктан ооруканада жатканы кабарланган. Сабалган алты жаштагы наристе дагы ооруканада экени, жаракатын аныктоо үчүн экспертиза дайындалганы айтылган.
Ал эми бүгүн болсо бала чоң апасы менен Ат-Башы районунда экенин билдирген министр.
