БИШКЕК, 25-ноя. — Sputnik. Алдыдагы дем алыш күндөрү өлкөнүн көпчүлүк аймактарында аба ырайы кескин өзгөрүп, кар жаайт. Бул тууралуу Өзгөчө кырдаалдар министрлиги кабарлады.
"Ишемби, жекшемби күндөрү аба ырайы туруксуз болуп, маал-маалы менен кар жаайт. Келе жаткан аптанын баштапкы күндөрү бир топ сууктайт", — деп айтылат билдирүүдө.
Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.
