БИШКЕК, 25-ноя. — Sputnik. Мэрия Бишкек шаарындагы компьютердик клубдардын ишин жандантуу маселесин карап жатат. Бул тууралуу муниципалитеттин маалымат кызматы кабарлады.
Шарт боюнча кардарлар клубга толуп албай, жарымынан гана орун алышы керек. Санитардык эрежелер так сакталууга тийиш.
10 Жетинин айы 2020, 17:23
Мэрия сабак убагында окуучуларды киргизген компьютердик клубдарды тез арада жаап саларын эскертти. Белгилей кетсек, мектеп окуучулары дагы деле аралыктан билим алууда.
Жазында коронавирустан улам өзгөчө абал киргизилгенде компьютердик клубдардын ишине дагы тыюу салынган.
Буга чейин Бишкек шаарынын мэринин милдетин аткаруучу Балбак Түлөбаев ишкердик тууралуу сөз кылып жатып, ордо калаада коронавируска байланыштуу чектөөлөр бара-бара алынарын убадалаган. 1-декабрдан тарта кинотеатрларды, театрларды ачуу пландалып жатат, ошондой эле супермаркеттердин күнү-түнү иштешине уруксат берүү каралууда.
