БИШКЕК, 17-ноя. — Sputnik. Президенттин милдетин аткаруучу Талант Мамытов менен премьер-министрдин милдетин аткаруучу Артем Новиков өлкөдөгү социалдык-экономикалык туруктуулукту камсыздоо боюнча маселелерди талкуулашты. Бул туурасында мамлекет башчынын маалымат кызматы билдирди.
![Президенттин милдетин аткаруучу Талант Мамытов менен премьер-министрдин милдетин аткаруучу Артем Новиков өлкөдөгү социалдык-экономикалык туруктуулукту камсыздоо боюнча маселелерди талкуулашты Президенттин милдетин аткаруучу Талант Мамытов менен премьер-министрдин милдетин аткаруучу Артем Новиков өлкөдөгү социалдык-экономикалык туруктуулукту камсыздоо боюнча маселелерди талкуулашты - Sputnik Кыргызстан](https://sputnik.kg/img/07e4/0b/11/1050459793_0:0:2480:1558_600x0_80_0_0_7512a86d469f90745c452046c53218a8.jpg)
![Жолугушууда Мамытов бүгүнкү күндө президенттик шайлоону ачык-айкын жана таза өткөрүү, бардык талапкерлерге бирдей шарт түзүү биринчи кезектеги маселелердин бири экенин белгиледи Жолугушууда Мамытов бүгүнкү күндө президенттик шайлоону ачык-айкын жана таза өткөрүү, бардык талапкерлерге бирдей шарт түзүү биринчи кезектеги маселелердин бири экенин белгиледи - Sputnik Кыргызстан](https://sputnik.kg/img/07e4/0b/11/1050459787_0:0:2470:1553_600x0_80_0_0_5bbbca976fbcc01d71980c63b0ccee0a.jpg)
Жолугушууда Мамытов бүгүнкү күндө президенттик шайлоону ачык-айкын жана таза өткөрүү, бардык талапкерлерге бирдей шарт түзүү биринчи кезектеги маселелердин бири экенин белгиледи.
Андан соң Новиков Президенттик шайлоону өткөрүү боюнча республикалык штаб түзүлүп, аны вице-премьер Максат Мамытканов жетектей турганын айтты.
"Мамлекет башчынын милдетин аткаруучу учурда макроэкономикалык туруктуулукту, азык-түлүк коопсуздугун жана өлкөдө ишкерлердин активдешүүсүнө түрткү берүүчү чараларды камсыз кылууга биринчи кезекте көңүл буруу керектигин билдирди", — деп айтылат маалыматта.
Новиков азык-түлүктүн баасын арзандатуу чараларын маалымдаган.
Ошондой эле ал коронавирусту ооздуктоо боюнча кабыл алынып жаткан чаралар тууралуу кабардар кылып, зарыл болгон дары-дармектердин жана жабдуулардын үч айлык кору түзүлгөнүн кошумчалады.