Илон Маск COVID боюнча тапшырган тесттеринин жыйынтыгына таң калды. Себеби

© AP Photo / Tobias SchwarzSpaceX компаниясынын башчысы Илон Маск. Архив
SpaceX компаниясынын башчысы Илон Маск. Архив - Sputnik Кыргызстан
Жазылуу
Коронавирустун кандайдыр бир симптомдору барбы деп сурагандарга кадимки эле суук тийүүнүн белгилерин сезип жатканын айткан.

БИШКЕК, 15-ноя. — Sputnik. SpaceX компаниясынын башчысы Илон Маск  коронавируска бир эле күндө төрт жолу тест тапшырып, жыйынтыгында экөө таза, ал эми экөө инфекцияны жуктурган деп чыкканын билдирди.

Ал таң калуу менен Twitter баракчасына пикирин жазган.

​"Эмне деген шумдук болуп жатат. Бүгүн COVID-19га төрт жолу тест тапшырдым. Экөө терс чыкса, дагы экөө оору бар экенин көрсөттү. Ошол эле жабдык, окшош эле тесттер колдонулуп, баарын бир эле медайым жасаган. Антиген экспресс-тесттер BD (Becton, Dickinson and Company) компаниясыныкы", — деп жазган Маск.

Кийинчерээк ал башка лабораторияга барып ПЦР-тест тапшырууну чечкенин кошумчалады. Анын жыйынтыгы 24 сааттан кийин чыгат. Ал эми коронавирустун кандайдыр бир симптомдору барбы деген суроого кадимки эле суук тийүүнүн белгилерин сезип жатканын айткан.

Жаңылыктар түрмөгү
0