Базардан чыккан өрттү өчүрүү учурунун видеосу ӨКМдин Facebook баракчасына жарыяланды.
Видеодон ӨКМ кызматкерлеринин ары-бери чуркап базардагы өрттү өчүрүп жатканын көрүүгө болот. Бири тепкичи бар автоунаанын үстүнө чыгып, имараттын жогору жагындагы түтүнгө суу чачса, башкалары базардын ичиндеги жалынды өчүрүүгө аракет кылып жатышат.
Маалым болгондой, тилсиз жоону өчүрүүгө ӨКМдин атайын 5 бригадасы тартылып, жерине министрдин орун басары Калыс Ахматов дагы барган.
Кыпкызыл чокко айланган базар. "Орто-Сайды" каптаган өрттүн асмандан көрүнүшү
Өрт болжол менен 1800 чарчы метр жерди жалмаганы айтылды. Каза болгондор жана жабыркагандар жок. ӨКМдин маалымат кызматы азыркы тапта өрттүн келип чыккан себептери жана чыгымдары такталып жатканын айтты.
