БИШКЕК, 3-ноя. — Sputnik. Түркиянын батышында, Измирде болгон жер титирөөдөн каза тапкандардын саны 95ке жетти. Бул тууралуу республиканын Өзгөчө кырдаалдар жана табигый кырсыктар агенттигине шилтеме берүү менен РИА Новости жазды.
Кечээ эле алааматтан көз жумгандардын саны 73кө жетип, жабыркаган 961 киши катталганы айтылган болчу.
"Соңку маалыматтар боюнча, жер титирөөдөн 95 киши дүйнө салды. Жабыркагандардын саны 994кө жетти", — деп айтылган билдирмеде.
Белгиленгендей, жер титирөөдөн кийин 1385 майда силкинүү (афтершок) болгон.
Алматыда кыйроолорду алып келген жер титирөө болору божомолдонууда
Эске салсак, 30-октябрда Түркиянын батышында күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измирдеги Сеферлихисар шаарындагы райондо жайгашкан. Ошондой эле жердин силкинүүсү Грециянын Самос аралында дагы катталган. Ал жерде эки адам көз жумуп, 20 киши ар кандай жаракаттарды алган.
