БИШКЕК, 3-ноя. — Sputnik. АКШнын ири шаарларында президенттик шайлоодон кийинки элдик толкундоолордон корккон ишкерлер дүкөндөрдүн жана коммерциялык ишканалардын эшик-терезелерин тактай менен бекитип жатышат. Бул тууралуу CNN маалымдады.
I never thought I would see so many buildings here in the nation’s capital boarded-up on the eve of a presidential election in anticipation of possible unrest. And it’s not just in DC. It’s happening in New York, Los Angeles and elsewhere around the country. So sad! pic.twitter.com/fmPnUBbr8T
— Wolf Blitzer (@wolfblitzer) November 1, 2020
Өзгөчө Вашингтон шаарындагы Ак үйдүн аймагында жана Нью-Йорктун борбордук көчөлөрүндөгү кафе-ресторандар, дүкөндөр жана сулуулук салондору "даярдык" көрүүдө.
"Президенттик шайлоодон кийинки толкундоолордон коркуп ушунчалык бекинип алган имараттарды көрөм деп эч качан ойлогон эмесмин. Азыр Вашингтон, Нью-Йорк, Лос-Анджелес жана башка шаарларда ушундай көрүнүш. Жүрөк ооруйт", — деп өзүнүн Twitter баракчасына журналист Вольф Блитцер жазды.
Welcome to America, where in our nation’s capital we are so confident in our institutions and a peaceful transition of power that businesses board up their windows ahead of presidential elections.
— Sam Catania (@sbcatania) October 31, 2020
Video courtesy of my friend Ben Feldman currently studying in D.C. pic.twitter.com/j1Zhs6e8rx
Нью-Йорктогу Trump Tower имаратынын тегерек четин эки катар темир менен тосуп, кире беришинде куралчан полиция кызматкерлери нөөмөттө турат.
Эске салсак, бүгүн, 3-ноябрда, АКШда президенттик шайлоо болуп жатат. Негизги таймаш учурдагы президент Дональд Трамп менен мурдагы вице-президент Жо Байдендин ортосунда болууда.
