БИШКЕК, 31-окт. — Sputnik. Барселонада карантиндик чаралар күчөтүлгөндөн кийин массалык башаламандыктар башталды. Бул тууралуу Каталониянын Mossos de Escuadra укук коргоо органдары Twitter баракчасына жазды.
🇪🇦 The #demonstration against the new sanitary restrictions escalates in #Barcelona. #Protesters build barricades in the streets of the city after clashing with law enforcement.
— Jeremy Song (@tezuma75) October 30, 2020
pic.twitter.com/crmZQOIrPn
Акция калаанын чок ортосунда, мэрияга жакын жердеги ыйык Иаков аянтында башталган. Шаардык гвардиянын маалыматы боюнча, митингге бир жарым миңге жакын адам катышкан.
Андан соң митингчилер полиция тарапка түтүн чыгаруучу шашка, петарда атып, күйүүчү заттарды ыргытышкан. Башаламандыктар Готика кварталында болуп жатат. Укук коргоо органдары жергиликтүү тургундарды аталган аймактарга барбай турууга чакырууда. Жеринде өрт өчүрүүчүлөр жана Тез жардам кызматы иштеп жатат.
ESPAÑA 🇪🇸: Barcelona - Los manifestantes hartos de las prohibiciones retroceden ante los antidisturbios que recuperan el control de la Plaza de Sant Jaume.#últimahora negacionistas #riots Mossos pic.twitter.com/xNSxkPM504
— EL PARTE DEL CORONAVIRUS (@ElparteQreparte) October 30, 2020
29-октябрда Каталония бийлиги карантиндик чаралар күчөтүлгөнүн жарыялап, Испан автономиялык коомчулугуна кирип-чыгууга 15 күнгө тыюу салган. Муниципалитеттер аралык каттамга дагы чектөө киргизилип, соода борборлору, театрлар, кино жана маданий борборлордун ишине жана тайпа менен спорттук машыгууларга тыюу салынган. Ресторан менен барлар дагы жабылган.
