БИШКЕК, 11-окт. — Sputnik. Дүйшөмбү күнү, 12-октябрда, күндүз Ош облусунун тоолуу райондорунда кар жаайт. Калган аймактарда күн ачык болот. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө +12...+17, Талас аймагында +11...+16, Ош, Жалал-Абад, Баткен облустарында +14...+19, Ысык-Көл менен Нарын жергесинде +8...+13 градус болору айтылды.
Термометрдин көрсөткүчү борбор калаада +15...+17, Ошто +16...+18 градуска жетет.
