БИШКЕК, 9-окт. — Sputnik. "Ала-Тоо" аянтындагы өлкөнүн негизги туусу кайтаруусуз калды. Бул тууралуу жеринен Sputnik Кыргызстандын кабарчысы билдирди.
"Аскер кийимчен эки адамдын коштоосунда желекти кайтарган Улуттук гвардиянын аскерлери мамлекеттин башкы желеги турган №1 постту таштап кетишти", — деди кабарчы.
Буга чейин "Форум" мекемесинин алдына чогулуп турган мурдагы президент Алмазбек Атамбаев менен "Республика" партиясынын негиздөөчүсү Өмүрбек Бабановдун тарапташтары "Ала-Тоо" аянтына келишкен. Саясатчылар эл алдына чыгып сүйлөп жатканда эски аянттан Садыр Жапаровдун тарапташтары келди. Алгач биричи тарап Садыр Жапаровдун колдоочуларын сүрүп чыгарууга аракет кылып, кийин эки жактан тең таш ыргытуулар башталган.
Ушул тапта аянтта эл суюла элек.
