БИШКЕК, 17-сен. — Sputnik. Жума күнү, 18-сентябрда, күндүз өлкөнүн көпчүлүк аймактарында мезгил-мезгили менен жамгыр жаап, тоолуу өрөөндөрдө жаан, кар, бийик тоолуу райондордо кар жаайт. Айрым жерлерде жаан-чачын катуу жаашы мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Абанын температурасы Чүйдө +14...+19, Талас жергесинде +11…+16, Ош, Жалал-Абад, Баткен облустарында +18...+23, Ысык-Көл менен Нарында +12...+17 градус болору айтылды.
Бул күнү Бишкек, Ош шаарларында да мезгил-мезгили менен жамгыр жаайт. Термометрдин көрсөткүчү борборубузда +17...+19, Ошто +21...+23 градусту көрсөтөт.
