БИШКЕК, 6-сен. — Sputnik. Кыргызгидромет агенттиги келерки аптага карата аба ырайынын божомолу тууралуу маалымат берди.
Ага ылайык, Бишкекте 6-сентябрда күндүз жана 7-сентябрда түнкүсүн жаан жаап, күн күркүрөшү мүмкүн. Ал эми 8-10-сентябрда күн ачык болот.
Чүй менен Талас
6-7-сентябрь күндөрү Чүй облусунун көпчүлүк аймактарында, Талас облусунун кээ бир райондорунда мезгил-мезгили менен жаан жаап, күн күркүрөшү, тоолуу райондордо жаан карга айланышы, бийик тоолуу райондордо кар жаашы күтүлөт.
Ал эми 8-9-сентябрь күндөрү жана 10-сентябрда түнкүсүн жаан-чачын болбойт. Ошондой эле 10-сентябрда күндүз тоолуу райондордо өткүн өтүп, күн күркүрөшү, бийик тоолуу райондордо кар жаашы күтүлөт. Дыйканчылык аймактарда жаан-чачын болбойт.
Ош, Жалал-Абад, Баткен облустары
6-сентябрда күндүз жана 7-сентябрда түнкүсүн Жалал-Абад облусунун көпчүлүк аймактарында, Ош, Баткен облустарынын кээ бир райондорунда мезгил-мезгили менен жаан жаап, күн күркүрөшү, тоолуу райондордо жаан карга айланышы, ошондой эле бийик тоолуу райондордо кар жаашы күтүлөт. Жалал-Абад облусунун тоо этектеринде жана тоолуу райондорунда жаан-чачын катуу жаай турганы айтылды. 7-сентябрда күндүз Ош облусунун дыйканчылык аймактарында жана Баткен облусунда күн ачык болот.
Региондордо 8-сентябрда жана 9-сентябрда түнкүсүн жаан-чачын болбойт. 9-сентябрда күндүз Оштун тоолуу райондорунда өткүн өтүп, кар жаайт. Күндүз бул жердин дыйканчылык аймактарында жана Жалал-Абад, Баткен облустарында жаан-чачын күтүлбөйт.
10-сентябрда түнкүсүн жаан-чачын күтүлбөйт. Күндүз Ош, Жалал-Абад облустарынын тоолуу райондорунда өткүн өтүп, күн күркүрөшү, бийик тоолуу райондордо кар жаайт.
Жаан карга айланат. ӨКМ шашылыш билдирүү таратты
Ысык-Көл
Көлдө 6-сентябрда күндүз жана 7-сентябрда көпчүлүк аймактарда мезгил-мезгили менен жаан жаап, күн күркүрөшү, ошондой эле тоолуу райондордо жаан карга айланышы, бийик тоолуу райондордо кар жаашы ыктымал.
8-сентябрда аймактарда жаан жаап, бийик тоолуу райондорго кар түшөт. Эртеси күндүз жаан-чачын болот, бирок түнкүсүн асман ачык болору айтылды.
10-сентябрда кээ бир райондордо жаан жаап, күн күркүрөшү, бийик тоолуу райондордо кар жаашы божомолдонууда.
Ал эми Каракол жана Чолпон-Ата шаарларында жуманын алгачкы күндөрү мезгили менен жаан жаайт.
Нарын
Бул аймакта 6-7-сентябрь күндөрү жаан, ал эми бийик тоолуу райондордо кар жаашы ыктымал. Ошондой эле 10-сентябрь күндүз дагы ушундай аба ырайы күтүлөт.
Ал эми 11-сентябрда күндүз Ысык-Көл, Нарын облустарынын кээ бир райондорунда жана Чүй, Талас, Ош, Жалал-Абад облустарынын тоолуу райондорунда өткүн өтүп, күн күркүрөшү, кар жаашы күтүлөт.
12-сентябрда Чүй жана Ысык-Көл облустарында дал ушундай аба ырайы болмокчу.
