БИШКЕК, 5-сен. — Sputnik. Жекшемби күнү, 6-сентябрда, күндүз өлкөнүн көпчүлүк аймактарында мезгил-мезгили менен жаан жаап, күн күркүрөп, тоолуу райондордо жамгыр карга айланат. Бул тууралуу Кыргызгидромет билдирди.
Жаанчыл болобу? Дем алыш күндөргө карата аба ырайы
Абанын температурасы Чүй жергесинде +21…+26, Таласта +20…+25, Ош, Жалал-Абад, Баткен облустарында +26...+31, Ысык-Көлдө +19...+24, ал эми Нарын аймагында +20…+25 градусту көрсөтөт.
Бишкекте күндүз жамгыр жаап, күн күркүрөшү күтүлөт, Ошто күн ачык болот. Термометрдин көрсөткүчү борбор калаада +23...+25, Ошто +27...+29 градуска көтөрүлөт.
