БИШКЕК, 31-авг. — Sputnik. Президент Сооронбай Жээнбеков Россиянын лидери Владимир Путин менен телефон аркылуу сүйлөштү. Бул тууралуу өлкө башчынын маалымат кызматы кабарлады.
Путин Жээнбековду жана кыргызстандыктарды Көз карандысыздык күнү менен куттуктаган. Ага чейин телеграммасын жөнөткөн.
Мамлекет башчылар эки тараптуу жана көп тараптуу эл аралык кызматташтыктын, анын ичинде уюмдардын жана интеграциялык бирикмелердин алкагындагы иштешүүнү талкуулашкан. Ошондой эле эпидемиологиялык кырдаалды эске алуу менен Кыргызстан менен Россиянын эриш-аркак жылынын программасынын алкагындагы иш-чараларды улантуунун маанилүүлүгү айтылган.
Жээнбеков: татаал мезгилде өлкөлөр ортосундагы мамиле чыңдалды
Жээнбеков Путинге коронавирус инфекциясынын жайылышы менен күрөшүүдө көрсөткөн гуманитардык жардамы, ошондой эле Кыргызстандагы эпидемиологиялык кырдаалды турукташтырууда медициналык адистер тобунун өз убагында жиберилгени үчүн ыраазычылык билдирген.
