Путин кыргыз эли менен Жээнбековду куттуктады

© Sputnik / Табылды КадырбековКыргызстандын президенти Сооронбай Жээнбеков жана Россия лидери Владимир Путин. Архив
Кыргызстандын президенти Сооронбай Жээнбеков жана Россия лидери Владимир Путин. Архив - Sputnik Кыргызстан
Жазылуу
Телеграммада эки өлкө ортосундагы өнөктөштүк жана кызматташуу аракеттери натыйжасын берип, кеңейип жатканы белгиленген.

БИШКЕК, 31-авг. — Sputnik. Россия президенти Владимир Путин Кыргызстандын элин жана өлкө башчысы Сооронбай Жээнбековду Көз карандысыздык күнү менен куттуктады. Бул тууралуу мамлекет жетекчисинин маалымат кызматы кабарлады.

Путин эки өлкө ортосундагы мамилелер стратегиялык өнөктөштүк жана шериктештик маанайда өнүгүп жатканын белгилеген.

Кыйын күндөр өттү! Президент элди Эгемендүүлүк майрамы менен куттуктады

"Эки тараптуу саясий диалог, түрдүү тармактардагы жемиштүү кызматташтык, ошондой эле ЕврАзЭБ, ЖККУ жана ШКУнун алкагындагы аракеттерди координациялоо кеңейип жатат. Биргелешкен аракеттер менен биз кыргыз-россия байланыштарын мындан ары өркүндөтүүнү, коркунучтарга жана эл аралык коопсуздукка каршы чакырыктарга, анын ичинде коронавирус инфекциясы пандемиясына каршы күрөшүүдө өз ара аракеттенүүнү камсыздайбыз деп ишенем. Бул биздин боордош элдерибиздин кызыкчылыктарына жооп берери шексиз", — деп айтылат телеграммада.

Путин Жээнбековго ден соолук жана ийгилик, ал эми Кыргызстан элине бакубатчылык жана гүлдөп-өсүүнү каалады.

Жаңылыктар түрмөгү
0