АКШ норвегиялык Тромстун жээгине Seawolf кемесинин келгендигин "Россия сигналы" деп аташты деп жазган The Drive.
Басылма жашыруун кайыктарга карата маалыматтардын бул өңүттө ачылышы тактика үчүн чоочун нерсе деген. Макаланын авторлору мындай ыкма менен Америка Кошмо Штаттары Россия бийлигине ишарат кылууда деп эсептешет.
Муну менен бирге эле чет элдик баяндамачылар норвегиялык шаардын тандалышы жөн жерден жасалган жок деп эсептейт. Алар россиялык суу алдында жүрүүчү кайыктар көп каттаган багыттарга жакын жайгашкан жерди тандашкан.
Түпкүрдөгү купуя сыр же касташкандын катыгын берчү "Скиф"
Андан сырткары, Тромско америкалык стратегиялык бомбалоочу, өзөктүк курал таштоого жөндөмдүү B-52H учагынан бешөө жөнөтүлгөн. Автор америкалык аскер командачылыгынын мындай кадамын "Москвага түз багытталган белги, ишарат" катары баалаган.
Sputnik обосунда Россия илимдер академиясынын Канада менен АКШ боюнча аскердик-саясий изилдөө борборунун илимий кызматкери Владимир Батюк кеп Арктика үчүн болгон күрөштө экендигин айтты.
"Улуу державалар ортосунда Арктика үчүн күрөш жүрүүдө. Глобалдуу жылуулуктан улам арктикалык муз эрип жатат, андыктан Түндүк муз океанынын шельфтериндеги минералдык ресурстар улам жеткиликтүү боло баштады. Мындан сырткары, деңиз жолдору оңойлошууда, анын ичинде Түндүк деңиз жолу да бар. РФтин деңиз стратегиясына жараша, ал Россиянын көзөмөлүндө болушу керек. Ал эми буга америкалыктар таптакыр каршы. Кошумча дагы бир нерсе, бул жерде державалардын кызыкчылыктарынын кагылышуусу болууда. Арктика аркылуу континент аралык баллистикалык ракеталардын учуусуна оңой болгон жол жатат. Бул бомбалагычтарга да тиешелүү. Арктика ошон үчүн маанилүү. Мында америкалыктар өз позициясын бербейбиз деген нерсенин башын кылтыйтып, көптүн көңүлүн бургусу келүүдө", — деди Батюк.
"Аскердик күчтөр топтолуп...": Норвегияда эмне болуп жатат?
Connecticut жана Jimmy Carter долбоорунун суу алдында жүрүүчү Seawolf жана башка кайыктары башында, 1983-жылы көп максаттуу атомдук суу алдындагы кеме катары түзүлгөн. Алар америкалык суу алдындагы күчтөрдүн негизги таянычы болушу керек эле. Кансыз согуш аяктагандан кийин ага кеткен чыгымдын улам өсүшү менен бюджеттин кыскарышы АКШнын аскер-деңиз күчтөрүн бул типтеги 29 кайыкты куруудан баш тартууга мажбур кылган. Үч субмаринадан кийин өндүрүш жабылган. Учурда Seawolf тибиндеги суу алдында жүрүүчү кемелердин доору аяктап, атайын тапшырмалар үчүн гана пайдаланылып калды.
