Радиостудия Sputnik Кыргызстан в Бишкеке - Sputnik Кыргызстан
Радио

Жээнбаева: "Коопсуз шаардын" экинчи этабында 2500дөн ашык камера орнотулат

© Sputnik / Табылды КадырбековМамлекеттик технологиялар жана байланыш комитетинин "Коопсуз шаар" долбоорунун координатору Элнура Жээнбаева
Мамлекеттик технологиялар жана байланыш комитетинин Коопсуз шаар долбоорунун координатору Элнура Жээнбаева - Sputnik Кыргызстан
Жазылуу
Мамлекеттик технологиялар жана байланыш комитетинин "Коопсуз шаар" долбоорунун координатору Элнура Жээнбаева Бишкекте стационардык аппараттык-программалык комплексин куруу-монтаждоо иштери башталганын айтты.
Жээнбаева: "Коопсуз шаардын" экинчи этабында 2500дөн ашык камера орнотулат

Тендерди утуп алган компаниянын эки кызматкери март айында келсе, жакында эле дагы үчөө чартердик рейс менен алып келинди. Кыргызстандагы жергиликтүү компаниялар дагы алар менен чогуу иш алып барып жатат. Бул тууралуу Элнура Жээнбаева Sputnik Кыргызстан радиосунун эфиринде маек куруп жатып билдирди.

Анын айтымында, дүйнөдөгү эпидемиялык кырдаалга, ошондой эле чек аралардын жабылышына байланыштуу долбоор бир жылга чукул кечиктирилген.

"Ош" базарына 10 камера орнотулуп, Ленин районунда көзөмөл күчөдү

"2019-жылдын 8-октябрында сынактын жыйынтыгында Shenzhen Sunwin Intelligent Co. Ltd компаниясы "Коопсуз шаар" долбоорунун экинчи этабын ишке ашыруу боюнча келишимге кол койгон. Бирок пандемияга, ошондой эле чек аралардын жабылышына байланыштуу долбоор бир жылга чукул кечиктирилди. Март айында эки, азыр үч кызматкер чартердик рейс менен алып келинди. Кыргызстандагы жергиликтүү компаниялар да алар менен чогуу иш алып барып жатат. Долбоордун экинчи этабынын алкагында 306 пунктту аппараттык жана программалык комплекстер менен жабуу пландаштырылууда. "Коопсуз шаардын" экинчи этабы өлкөнүн бардык аймактарын камтыйт. Кыргызстан боюнча баш-аягы эки жарым миңден ашык камера орнотулат. Учурда долбоордун экинчи баскычынын алкагында Бишкек шаарында Алыкулов жана Ахунбаев көчөлөрүнүн кесилишинде стационардык аппараттык-программалык комплексин куруу-монтаждоо иштери башталды. Буга чейин облустардагы жергиликтүү органдар жана Жол кыймылы коопсуздугун камсыздоо башкы башкармалыгы менен камераларды орнотуу пунктулары сүйлөшүлгөн. Кайсы жерде эреже бузуулар жана кылмыштар көп болсо, ошол аймакка жабдуулар коюлат", — деди Жээнбаева.

Ал Эреже бузуулар кодексине ылайык, аймактарда борбор калаадагыдай эле айып пул төлөнөрүн кошумчалады.

Жаңылыктар түрмөгү
0