БИШКЕК, 26-авг. — Sputnik. АКШ жана анын тарапташтары башка мамлекеттердин кибер айдыңында чалгындоо жана деструктивдүү аракеттерди күчөтүүдө. Бул тууралуу Россиянын Коопсуздук кеңешинин катчысынын орун басары Олег Храмов билдиргенин РИА Новости жазды.
Ал "Аргументы и факты" гезитине маек курган.
Храмовдун айтымында, АКШ мындай кадамы менен кийинки аракеттерин, ошондой эле күч колдонуусун коомчулук алдында актоого ниеттенип келет.
Ал маалымат чөйрөсүндө карама-каршылыкты жасалма курчутуудан эл аралык алака жабыркап, санкциялардан улам дүйнөлүк экономика жайлап, жалпы эле санариптешүү процессине ишеним азайып жатканын белгилеген.
Батыш Россияны хакердик чабуулга айыптап жатат. Видео
Катчынын орун басарынын айтымында, дүйнөдөгү киберчабуулдун басымдуу бөлүгүнүн артында АКШ турат.
"Америкалыктардын статистикасында кадимкидей айырма байкалат. 2016 жана 2019-жылдар аралыгында 40тан 75 пайызга чейин жогорулап кеткен", — деди ал.
Храмовдун айтымында, аталган көрсөткүч боюнча Россияга 2 пайыздан 7 пайызга чейинки үлүш туура келет.
"Бул Батышта көп айтылат бербеген, бирок ачык маалымат киберайдыңда Россия кооптуулугу тууралуу тезисти четке кагат", — деди ал.
Коопсуздук кеңешинин өкүлү АКШнын Россияга киберчабуул жасоо үчүн мүмкүнчүлүктөрүн кеңейтүү шылтоолору Москвадан коргонуу чараларын талап кылат деп эсептейт.
"Буга АКШнын 2019-жылдын октябрында Россияны Грузиянын ЖМКларына жана мамлекеттик органдарына киберчабуул жасады деген негизсиз айыптаганын мисал келтирүүгө болот", — деди Храмов.
Анын айтымында, "коронавируска каршы күрөшүп жаткан Чехиянын саламаттык сактоо объектилерине жасалган чабуулдар тууралуу кептер да ушундай эле жол менен апыртылып кеткен". "Орус хакерлери" COVID-19га каршы вакцина иштеп чыгып жаткан АКШ, Улуу Британия жана Канада илимпоздорунун да түйүнүн ачууга аракет кылышкан имиш.
Ал эми АКШнын шайлоосуна Россиянын маалымат технологияларын колдонуу менен "таасир этишин" Храмов өзүнчө кепке арзыйт деди.
"Бул америкалык саясий элитанын курчуп кеткен карама-каршылыгында пайдалана салчу оңдой берди тема болуп калды", — деди ал.
Опуза жана жалган маалымат берүү: АКШ РФ таасиринен кантип коргонот
Храмов АКШ президенти Дональд Трамп Россиянын Интернет-иликтөө агенттигине каршы жашыруун киберчабуул баштоого буйрук бергенин эске салды. Аталган агенттикти Американын атайын кызматы эч бир далилсиз эле маалымат таркатуучу деп атап салган. Бул кийлигишүү катары квалификацияланат.
Соңку маалыматтар боюнча, Трамп 2018-жылы ЦРУга киберайдыңда чабуул операцияларын ишке ашырууда кеңири укук берип, ал тургай душмандын инфраструктурасын иштен чыгарууга чейинки кадамдарга баруусуна жол ачып берген.
Храмов мунун баары Россия Федерациясынын маалыматтык коопсуздук доктринасынын жобосу жана мыйзамы боюнча коргонуу чараларын иштеп чыгууну талап кыларын белгиледи.
