БИШКЕК, 17-авг. — Sputnik. Президент Сооронбай Жээнбеков "Автотранспорт каражаттарынын ээлеринин жарандык-укуктук жоопкерчилигин милдеттүү камсыздандыруу жөнүндө" (ОСАГО) мыйзамына өзгөртүү киргизүү тууралуу" мыйзамына кол койду.
Ага ылайык, автоунаалардын айрым категориялары жана алардын ээлери үчүн милдеттүү камсыздандыруу боюнча белгиленген жоопкерчиликтин мөөнөтү өзгөртүлөт. Бул өлкөдөгү коронавирус инфекциясынын негативдүү экономикалык кесепеттерин жоюу максатында жасалууда.
Жээнбеков салык төлөбөй жүргөн ишкерлерди кечирген мыйзамга кол койду. Шарты
Мурдагы мыйзам боюнча автоунаа ээси болгон чет элдик жарандар, юридикалык тараптар, анын ичинен мамлекеттик жана муниципалдык уюмдар, жүк көтөрүмдүүлүгү 12 тоннадан ашкан автоунаалардын кожоюндары 2020-жылдын апрель айынан тарта камсыздандырууга милдеттүү болгон. Жаңы мыйзам менен анын мөөнөтү 2021-жылдын 1-январына чейин жылдырылды.
Аталган документ Жогорку Кеңеш тарабынан 25-июнда кабыл алынган.
Ал эми башка категориядагы автоунаалар үчүн мөөнөтү өзгөртүлгөн эмес.
1-класстар мектепке күн сайын барып окумай болду
ОСАГО же унаа ээлерин камсыздандыруу — бул айдоочулардын унаасы менен ден соолугу камсыздандыруу компаниялары тарабынан камкордукка алынышы.
Документ көрсөтүлгөн мөөнөтүнөн баштап ишке кирери менен айдоочулар жол кырсыгынын натыйжасында келтирилген зыяндын ордун толтуруу кепилдигине ээ болот. Мындан тышкары, мүлктү калыбына келтирүүгө жана дарыланууга кеткен чыгымдан корголуп, компенсация ала алышат.
