Күн сайын гречка жесе организмде кандай өзгөрүү болот? Адистин пикири

Жазылуу
Гречканы күн сайын жей турчу тамактардын менюсуна кошсо болот. Андан жасалган ботко биринчиден пайдалуу. Экинчиден, бул азык адамды ток алып жүрөт. Мындан сырткары, кандагы канттын көлөмүн да азайтат.

БИШКЕК, 10-авг. — Sputnik. Диетолог Татьяна Разумовская гречканы дайыма жеп турган адамдын организминде кандай өзгөрүү боло турганын айтты. Адистин кеңеши РИА Новостиге жарыяланды.

Диетолог белгилегендей, гречканы күн сайын жей турчу тамактардын менюсуна кошсо болот. Андан жасалган ботко биринчиден пайдалуу. Экинчиден, бул азык адамды ток алып жүрөт. Мындан сырткары, кандагы канттын көлөмүн да азайтат.

"Гречканы эртең менен жеш керек. Эгер жатар алдында жеп алсаңыз, ашказанга күч келет. Акшактын бул түрүн 20 мүнөттөн кем кайнатпаш керек. Эгер бууга бышыра  турган болсоңуз, анда 40 мүнөт коюңуз. Антпесе ичти көптүрөт", — деди адис.

Диетолог коон менен дарбыздын зыяндуу жактарын санап берди

Диетолог гречка клетчаткага бай экенин кошумчалады. Ал эми клетчатка ичегини жакшы иштетип, токсиндерди организмден бөлүп чыгарууга көмөк көрсөтөт.

"14 күн жалаң гана гречка менен тамактанган адам бул аралыкта 10 килограмм салмак таштайт. Бирок мындай монодиета натыйжалуу болгону менен опурталдуу. Анткени организм стресс алып башка азыктандыруучу заттарды жоготуп коюшу ыктымал. Жыйынтыгында адам бат-бат ооруп калат. Кээ бири диетанын бул түрүнөн тез эле тажап башка тамактарды көп жей баштайт. Аягында киши арыктабай эле семирип кетет", — деди адис.

Гречка пайдалуу азыктардын алдыңкы сабында турары да айтылды. Мисалы, анда В жана С тобундагы витаминдер, никотин кычкылы, фолий кычкылы, темирдин тузу бар. Ошондой эле анда магний да көп.

Адис гречканы күн сайын жесе болорун, бирок жалгыз гана өзүн эмес, башка да азыктарды аралаштыруу керектигин сунуштады.

Жаңылыктар түрмөгү
0
Алгач жаңыларыАлгач эскилери
loader