БИШКЕК, 24-июл. — Sputnik. Жаңы Орлеандагы LSU Health университетинин (АКШ) патологиялык анатомия боюнча дарыгерлери COVID-19 буга чейин айтылып келгендей жүрөк булчуңдарын жалпы жабыркатпай, органга башкача таасир этерин билдиришти. Бул тууралуу EurekAlert басылмасы жазды.
Эпидемиолог: коронавирус адамга көнүп, терс таасири азайып баратат
Профессор Ричард Вандер Хайденин айтымында, окумуштуулар COVID-19дан каза болгондордун органдарында күтүлбөгөн өзгөрүүлөр болорун байкашкан. Учурда анын себептери изделип жатат. Адистер буга жооп таба алса, мындан ары оору менен күрөшүүнүн таасирдүүрөөк жолдору ачылмакчы.
Патологоанатомдор коронавирустан каза болгон 22 маркумду союп, сөөгүн изилдеп көргөн соң вирус адамдын жүрөгүнүн айрым булчуңдарын гана алыстан туруп эле жабыркатып, иштен чыгарып коерун көрүшкөн. Тагыраагы, органдын өзүндө вирус табылган эмес, ал майда кан тамырларда туруп, жүрөккө терс таасир эткен.
Пульмонолог: азыркы пневмония — COVID-19 вирусу чакырган илдет
Буга чейин Саламаттык сактоо министрлигинин штаттан сырткаркы башкы пульмонологу, профессор Талант Сооронбаев COVID-19 өпкөнү гана эмес, жүрөк, бөйрөк, боор, мээ сыяктуу башка органдарды дагы талкалаарын айткан эле.
