БИШКЕК, 23-июл. — Sputnik. Бир ирет колдонулуучу бет каптардын курчап турган чөйрөгө, табиятка зыян келтирери турган иш экендигин РИА Новости "Киодо" агенттигине шилтеме кылып жазды.
Анын келтире турган кесепети туурасында дүйнөнүн ар кыл тарабынан экологдор, дайверлер жана буга күбө болгон адамдардын берген маалыматынан улам белгилүү боло баштаган.
Маселен, суу түбүнө, бир нече метр тереңдикке түшкөндөр Япониянын сууларынан ыргытылган беп каптарды көрүшкөн.
Түркия жана Европа мамлекеттеринде да ушундай эле көйгөй жаралып, медициналык таштандылар жаратылышты муунта тургандыгын айтышууда.
Оорукана менен стационардан чыккан медкалдыктар кантип жок кылынууда?
"Киодо" агенттиги франциялык экологдордун айткан маалыматтарына таянып, деңиздерде медузаларга караганда калкып жүргөн бет кап басымдуулук кыларына түйшөлүп жатышканын жазды.
Колдонулган бет кап, кол кап жана башка сактануучу каражаттар эми океандардын булганышына алып келери эскертилүүдө. Эгерде азыртадан тарта тиешелүү чараларды токтоосуз көрбөсө, адамзат зыяны менен жаратылыш көп кырсыкка кабылары да айтылды.
"Киодо" Гонконгдо жайгашкан OceansAsia уюмуна таянып, беп каптар жээктерде же суунун тайыз жерлеринде эле эмес, башка таштандылар менен балыкчылардын торлорунда да "саякаттап" жүргөнүн кабарлаган. Бул керексиз болгон аталган буюмдун ары кооптуу, ары көйгөйлүү боло башташынан кабар берет.
Күндүзгү стационар жана "Гансиден" чыккан таштанды кайда ыргытылат? ӨКМдин жообу
"Бир эле бет каптын микропластиканын майда бөлүктөрүнө айланышына жүздөгөн жыл кетет да, жайылат. Бул учурда балыктарда, адам жеп жаткан тамактарда, ал тургай деңиз туздарына тарап кеткен сыяктуу мисал", — деген бүтүм чыгарган OceansAsia. Аталган уюм андыктан көп жолу колдонгон бет капка өтүүнү сунуштаган.
Япондор, тагыраагы, токиолуктар учурда көчөдө, коомдук транспортто дайыма бет капчан жүрүшөт. Аталган борбордо бейшемби күнү COVID менен 300 адам аныкталган. Бул рекорддук көрсөткүч болгонун жазышууда.
