БИШКЕК, 21-июл. — Sputnik. Премьер-министр Кубатбек Боронов өлкөгө ушул айдын этегинде жана августтун башында келе турчу дары-дармектерди брифинг учурунда тизмектеп берди.
Анын айтымында, жакында Индиядан эң көп делген сегиз тонна дары каражаты келет.
Боронов: Бишкек менен Оштогу ооруканалардын курулушу ушул жумада башталат
"Индиядан айдын аягында 25 миң гепарин, 10 миң цефепим, 36 миң цефтазидим келери күтүлүүдө. Августтун башында 30 миң цефепим, 75 миң гепарин келет. Бүгүн 21-июлдан тартып Шанхай — Бишкек рейси менен Саламаттык сактоо министрлиги тарабынан сатып алынган 42 920 даана эноксапариндин жана надропариндин 33 миң даанасы түшүрүлөт. Мындан тышкары, августта бир катар дарылар Россия, Өзбекстан, Украина, Пакистан, Белоруссия, Грузия жана башка мамлекеттерден келет", — деди Боронов.
Ошондой эле 25-июлга чейин фармацевтикалык компаниялар тарабынан төмөнкү препараттардын келүүсү күтүлүп жатат.
- Фраксипарин (нандропарин) 1000 таӊгакча;
- Эноксапарин 8954 таӊгак;
- Гепарин 13000 таӊгак;
- Ривароксабан 500 таӊгак;
- Ар кандай топтогу антибиотиктер 46250 таӊгак;
- Пропофол 2500 таӊгак;
- Суксаметоний 6000 таӊгак;
- Парацетамол 100 000 таӊгак;
- Аскорбинка 200 000 таӊгак.
Өкмөт ар бир аймакка компьютердик томография ачууну көздөп жатат
Мындан сырткары, антибиотиктердин 26 990 таӊгагы келет.
Дары каражаттарынын камы ошондой эле гуманитардык жардамдардын эсебинен да толукталары кошумчаланды.
