Радиостудия Sputnik Кыргызстан в Бишкеке - Sputnik Кыргызстан
Радио

Жаманкулов: августта маданий жайлардын ишмердүүлүгү онлайн уланат

© Sputnik / Асель СыдыковаМаданият, маалымат жана туризм министри Азамат Жаманкулов. Архив
Маданият, маалымат жана туризм министри Азамат Жаманкулов. Архив - Sputnik Кыргызстан
Жазылуу
Маданият, маалымат жана туризм министри Азамат Жаманкулов августтун башынан баштап театрлар ишмердүүлүгүн жандантарын айтты.
Жаманкулов: августта маданий жайлардын ишмердүүлүгү онлайн уланат

Пандемия башталганда эң биринчилерден болуп өлкөбүздөгү маданий мекемелер жабылды. Бул кандайдыр бир деңгээлде коллективдин ишине таасирин тийгизсе, бир четинен мекемелердин тезинен онлайн-режимге өтүүсүнө түрткү болду. Бул тууралуу Азамат Жаманкулов Sputnik Кыргызстан радиосунун эфиринде маек куруп жатып билдирди.

"Шамбала" тасмасы Шанхайдагы эл аралык кинофестивалда көрсөтүлөт

Анын айтымында, учурда китепканалар интернет ресурстары аркылуу иштеп жатат.

"Алгачкы күндөрү Кинематография департаменти жана белгилүү режиссерлор менен биргеликте элге күч берүү, колдоо максатында бир нече социалдык роликтерди тартып, телеканалдарга берип жаттык. Ал эми балдар үчүн куурчак театрынын жана анимациянын жардамы менен вирустан коргонуу, карантинде өзүн алып жүрүү тууралуу видео даярдадык. Учурда карантиндик талапка ылайык бардык маданий мекемелер жабык. Ошого карабастан, иштер онлайн түрүндө аткарылып жатат. Азыр биздин маданий жайлардын кызматкерлери каникулда. Театрлар 1-августтан тартып жумушка киришет. Тактап айтканда, ар бир театрдын коюла турган спектаклдерин алардын сайтынан көрө аласыздар, ошондой эле маалыматтарды социалдык баракчаларынан алсаңыздар болот. Мурункудай эле калк үчүн кинолордун, спектаклдердин, көргөзмөлөрдүн онлайн-көрсөтүүлөрү уюштурулат. Алар маданият жана искусство мекемелеринин социалдык тармактарына, сайттарына жана Төлөмүш Океев атындагы "Кыргызфильм" киностудиясынын YouTube каналына жайгаштырылат. Китепкана фондунда калк электрондук китепканага кирип аудио, электрондук китептерди көчүрүп окуй алышат. Ал эми музей мекемелеринде интернет кызматтары жана тиркемелери аркылуу музей коллекциялары, тарых сабактары, талкуулар, виртуалдык сейилдөө үзгүлтүксүз өткөрүлүп турат", — деди Жаманкулов.

Министр Гапар Айтиев атындагы көркөм сүрөт музейинде сүрөт тартуу жана сүрөттү ким тартканын табуу сыяктуу акчалай сыйлыгы бар сынактар өткөрүлүп жатканын да кошумчалады.

Жаңылыктар түрмөгү
0