БИШКЕК, 20-июл. — Sputnik. Мамлекет башчы Сооронбай Жээнбеков коронавирус эпидемиясында элге жардам берип жаткан ыктыярчылар менен кездешет.
Жолугушуу тууралуу маалыматты мамлекет башчынын маалымат катчысы Толгонай Стамалиева тастыктап, ал эртеңкиге пландалганын билдирди. Учурда 14-15 кишиден турган тизме түзүлгөнүн, анын кимдер экенин кийинчерээк маалымдай турганын айтты.
Апамды эстедим... Жээнбеков каза болгон Адинай Мырзабекованын үйүнө барды. Сүрөт
Активист Урмат Насыкулов социалдык тармак аркылуу кездешүүгө чакырылганын билдирди.
Друзья, завтра меня позвали на встречу президента с волонтерами. Будет обсуждение текущей ситуации и вопросы волонтерства. Любой диалог лучше его отсутствия, поэтому хочу подготовить вопросы. Какие вопросы задали бы вы ? (Тезисно, без эмоций.)
— Urmat Nasykulov (@urmagram) July 20, 2020
Өлкөдө бир канча ыктыярдуу топ COVID-19 менен күрөшүүдө түрдүү иш-аракеттерди жүргүзүп келет. Анын ичинде бейтаптарды сакайтууда дарыгерлерге кол кабыш кылып, дары-дармек жана медициналык жабдууларды алганга жардам берүүдө.
Эске салсак, пандемия башталгандан бери Кыргызстанда 27 143 адам коронавирус жуктурду (ооруканадан тышкаркы пневмонияны кошкондо). 13 109 адам сакайып, 1037 бейтап көз жумду.
