БИШКЕК, 20-июл. — Sputnik. Кыргызстандын Пакистандагы элчиси Эрик Бейшембиев аталган өлкөнүн Дары каражаттарын жөнгө салуу кызматынын башкы директору Асим Рауф менен жолугушту. Бул тууралуу Тышкы иштер министрлиги билдирди.
Элчи COVID-19 пандемиясына байланыштуу Кыргызстандагы оор кырдаал, дары-дармектерге жана медициналык шаймандарга болгон муктаждык тууралуу маалымдаган. Ошондой эле медициналык буюмдарды ЕАЭБ жана Европа биримдигинин базарларына биргелешип өндүрүү жана экспорттоо мүмкүнчүлүктөрүн талкуулашкан.
Жээнбеков: Кыргызстанда дары-дармек өндүрүү жолдору каралууда
"Асим Рауф мырза дары-дармектерди жөнгө салуу, КРге экспорттолуучу медициналык каражаттарды биргелешип өндүрүүгө кызыкдар экендигин билдирди", — деп айтылат маалыматта.
Аны менен катар Пакистан медикаменттерин Кыргызстанга жөнөтүү жаатында кызматташууну активдештирүүгө ынтызарлыгын айткан.
