БИШКЕК, 20-июл. — Sputnik. Коронавирусту дарылоо боюнча өзгөртүлгөн протоколго гепарин жана клександы алмаштырган дарылар кирди. Бул тууралуу премьер-министр Кубатбек Боронов өлкө башчы Сооронбай Жээнбеков менен өткөн онлайн-кеңешмеде кабарлады.
Президенттин маалымат кызматы билдиргендей, буга чейин коронавирусту дарылоонун алгоритми жана протоколу өзгөртүлгөн.
Премьер-министр өлкөдө дары-дармектердин тартыштыгын жоюу боюнча чаралар көрүлүп жатканын айтып, Өзбекстандан гепарин дарысынын бир партиясы келгенин белгиледи.
Коронавирус, пневмонияга кабылгандардын дарысы да акысыз болобу? Расмий жооп
"Жакын арада Кытайдан бир топ дары-дармектердин келиши күтүлүүдө. Ошондой эле Индиянын жана Ирандын фармацевтикалык заводдору менен сүйлөшүүлөр жүрүп жатат", — деди өкмөт башчы.
Сооронбай Жээнбеков стационарлар менен обсервациялык аймактардын дары-дармек жана медициналык каражаттар менен камсыз болушуна көзөмөлдү күчөтүү зарылдыгын белгилеген.
