Боронов менен Баатырбеков парламенттик шайлоону кандай өткөрө турганын айтышты

© Sputnik / Табылды КадырбековШайлоо участогундагы электрондук үкөктөр. Архив
Шайлоо участогундагы электрондук үкөктөр. Архив - Sputnik Кыргызстан
Жазылуу
Депутат талапкерлерге “шайлоодо бир дагы партияга тартпай иштей аласыздарбы?” деген суроо узатты.

БИШКЕК, 17-июн. — Sputnik. Депутат Төрөбай Зулпукаров премьер-министрликке талапкер Кубатбек Боронов менен биринчи вице-премьерликке көрсөтүлгөн Алмазбек Баатырбековдон парламенттик шайлоо тууралуу сурады.

Депутат “шайлоодо бир дагы партияга тартпай иштей аласыздарбы?” деген суроо узатты.

“Кечээ коалиция бизге ишеним көрсөткөндөн кийин президенттин кабыл алуусунда болдук. Сооронбай Шариповичтин дагы биринчи талабы ушундай. “Акыйкат, элдин баары ынангандай таза шайлоону өткөрүү өкмөттүн негизги тапшырмасы” деп белгиледи. Биздин ага эркибиз жетет, аны жасоого мүмкүнчүлүгүбүз бар”,  — деди Боронов.

Кийин сүйүнөм. Касымалиева маанайы суз Бороновдун ал-жайын сурады. Видео - Sputnik Кыргызстан
Кийин сүйүнөм. Касымалиева маанайы суз Бороновдун ал-жайын сурады. Видео
Ал эми Баатырбеков буга чейинки эки шайлоодо нааразычылыктар болгонун белгилеп, мында андай мүчүлүштүктөрдү кетирбөөгө убада берди. Ошондой эле таза шайлоону өткөрүүгө бар күчүн жумшай турганын кошумчалады. 

Андан соң Зулпукаров Бороновду саясаттан алыс, чарбакер адам катары сыпаттап, өкмөттөгүлөр андан таалим-тарбия алышы керектигин айтты. 

Белгилей кетсек, учурда парламент жалпы жыйында Боронов башында турган өкмөттүн жаңы курамын карап жатат.

Жаңылыктар түрмөгү
0