БИШКЕК, 25-май — Sputnik. 24-май күнү кечке жуук Сузак районунда күчү 3 балл, Жалал-Абад шаарында 2,5 баллга жетип, жер термелди. Бул туурасында ӨКМдин маалымат кызматынан кабарлашты.
Андан сырткары, Сузак районунун Жар-Кыштак, Сузак айылдарында да 3 балл сезилген.
"24-майда саат 18:46дагы жер титирөөнүн очогу Кыргызстан менен Өзбекстандын чектешкен аймагы болду жана очогунда күчү 3,5 баллга жетти", - деп билдиришти ӨКМден.
Жер титирөөдөн жабыркагандар жана кыйроолор катталган эмес.
