БИШКЕК, 26-апр. – Sputnik. Кыргызстанда өткөн суткада беш медицина кызматкери коронавирус жуктуруп алды. Бул туурасында саламаттык сактоо министринин орун басары Нурболот Үсөнбаев маалымат жыйында кабарлады.
“3 дарыгер – Бишкек, бирөө – Жалал-Абад, бирөө Нарын облусунан табылды. Бишкектеги медиктер №3 эмкананын дарыгерлери”, - деди Үсөнбаев.
Муну менен инфекцияны жуктуруп алган дарыгерлердин саны 180ге жетти.
Ал эми Кыргызстанда COVID-19 илдетине чалдыккан дагы 17 учур катталып, жалпы саны ушуну менен 682ге жетти.
