БИШКЕК, 20-апр. — Sputnik. Кыргызстанда бир сутка ичинде 68 бейтап ооруканадан айыгып чыкты. Бул туурасында саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, айыккандардын ону Бишкектен, бирөө Нарын облусунан, 42си Ош облусунан, Ош шаарынан жетөө, Жалал-Абад облусунан жетөө жана Баткен облусунан бирөө болду.
Учурда республика боюнча жалпы 201 бейтап айыгып, ооруканадан чыгарылды.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
