БИШКЕК, 18-апр. — Sputnik. Казакстанга Кыргызстандан барган айдоочудан коронавирус аныкталды. Бул тууралуу Өзгөчө абал боюнча мамлекеттик комиссиянын штабына таянып Sputnik Казакстан агенттиги жазды.
Маалыматка караганда, вирус жуктурган адам Кыргызстандын жараны, Токмок шаарынын тургуну.
"Карасу" өткөрүү пунктунан айдоочудан ПЦР-анализи алынып, вирус аныкталды. Ал кайра Кыргызстанга атайын транспорт менен жөнөтүлдү", — деп айтылат кабарда.
Коңшу өлкөдө коронавирус аныкталган 1 593 учур катталды. Ооругандардын саны боюнча алдыңкы орунда 504 учур менен Алматы шаары турат. Андан кийин 350 учур менен Нур-Султан. Үчүнчү орунда — Шымкент шаары (57 киши).
