Кыргызстанда COVID-19 менен ооруп жаткан наристелердин азыркы абалы

Жазылуу
Саламаттык сактоо министринин орун басары Нурболот Усенбаевдин айтымында, ДССУнун берген маалыматы боюнча, балдар коронавирусту жеңил көтөрөт.

БИШКЕК, 14-апр. – Sputnik. Коронавируска кабылган Кыргызстандагы бир жашка чейинки ымыркайларда жана андан чоңураак балдарда оорунун клиникалык белгилери байкалган жок. Учурда алар дарыгерлердин көзөмөлүндө. Бул тууралуу саламаттык сактоо министринин орун басары Нурболот Усенбаев брифинг учурунда билдирди.

Белгилей кетсек, өлкөдө илдетке кабылган 15 жашка чейинки 40 бала бар. Алардын үчөө бир жашка чейинки наристелер. Усенбаевдин айтымында, алар тиешелүү дарылануусун алып жатат.

“Бүгүнкү күндө Кыргызстандын аймагында оор абалдагы балдар жок. Вирус аларга жакындарынан жукканы айтпаса да түшүнүктүү. Эч биринде оорунун клиникалык белгилери байкала элек. Изилдөөлөрдө илдет тууралуу системалуу маалыматтар азырынча жок. Бирок Дүйнөлүк саламаттык сактоо уюмунун (ДССУ) маалыматына караганда, балдар коронавирусту жеңил көтөрөт, керек болсо байкалбай өтүп кетиши мүмкүн”, — деди Усенбаев.

Коронавирустун кесепети

Биринчи вице-премьер Кубатбек Боронов - Sputnik Кыргызстан
Ашпозчу, айдоочулар бар. Боронов COVID-19 жуктурган медиктердин кызматын айтты
Кыргызстанда коронавирус аныкталган адамдардын саны 430га жетти. Анын ичинен 71 адам айыгып чыккан, тилекке каршы, бешөө каза болуп калды. Катталган учурлардын ичинен 230у аял, 200ү эркек.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Жаңылыктар түрмөгү
0