БИШКЕК, 28-мар. — Sputnik. Кыргызстандык мушкер Валентина Шевченко мушкерлер арасындагы "үйдө UFC менен" (#HomewithUFC) акциясына катышып, үй шартында кантип машыгуу керектигин көрсөтүп берди.
UFC уюмунун жеңил салмактагы чемпиону Шевченконун жөнөкөй адамдарга ылайыкталган видеосу UFC уюмунун Twitter баракчасына жүктөлдү.
Training never stops for the best in the 🌍!
— UFC (@ufc) March 27, 2020
🏆 @BulletValentina #HomeWithUFC pic.twitter.com/3hl4KrSFre
Учурда коронавирус пандемиясына байланыштуу спорттук залдар жабылып, спортчулар машыгуусун үйдөн улантууда. Ал арада Абсолюттук мушкерлер уюмунун спортчулары элге онлайн жол менен көнүгүү жасоону үйрөтүп, #HomewithUFC хэштеги менен видео жүктөп жатышат.
Арасында юмор коштолгон машыгуулар да бар. Маселен, UFC уюмунун дагы бир чемпиону Генри Сехудо шыпыргыга бел курларын илип, штанга кылып көтөргөн. Соңунда колду туура жууганды көрсөтүп берген.
Workout at home with the TRIPLE C @HenryCejudo 🏆🏆🏅
— UFC_Asia (@UFC_Asia) March 26, 2020
Get a glimpse into how preparation for #UFC250 is going. #HomeWithUFC pic.twitter.com/eEovHCNmMG
Ошондой эле уюмдун эң жеңил салмактагы мушкер кызы Мишель Уотерсон жөнөкөй көнүгүүлөрдөн тышкары анча-мынча сокку узатуулардын сырын ачкан.
Workout with @KarateHottieMMA! 🥋
— UFC Aus/New Zealand (@UFC_AUSNZ) March 27, 2020
Michelle Waterson has put together a workout you can do in your house 🏡 #HomeWithUFC pic.twitter.com/IRB9JEnFVv
UFC мушкерлери арасындагы флешмоб жаңыдан башталганы айтылды.
