БИШКЕК, 25-мар. — Sputnik. 26-март, бейшемби күнү, күндүз Ысык-Көл, Нарын, Ош, Жалал-Абад, Баткен облустарынын көпчүлүк аймактарында жаан, өлкөнүн тоолуу райондорунда кар жаайт. Бул тууралуу Кыргызгидромет маалымдады.
Тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 4-9 метрден 15-20 метрге жетет.
Абанын температурасы Чүй өрөөнүндө +7…+12, Талас жергесинде +6...+11, Ош, Жалал-Абад, Баткен облустарында +14...+19, Ысык-Көл жана Нарын аймактарында +5…+10 градус жылуу болору айтылды.
Бишкекте жаан-чачын болбойт. Күндүн табы борбор калаада +7...+9 градуска жетсе, Ошто мезгил-мезгили менен жаан жаап, абанын температурасы +14...+16 градуска чейин жогорулайт.
