БИШКЕК, 21-мар. — Sputnik. Мария Науменко. Москвадагы кыргыз диаспорасы Ноорузду майрамдоонун башка варианттарын караган жок. Бул тууралуу “Кыргыз биримдиги” коомунун вице-президенти Аниса Жээнбекова билдирди.
Буга чейин Москва мэри Сергей Собянин коронавирустун жайылышын алдын алуу үчүн 10-апрелге чейин бардык массалык иш-чараларды өткөрүүгө тыюу салган болчу. Жыл сайын ВДНХнын 75-павильонунда өткөрүлүүчү Нооруз майрамын майрамдоого да тыюу салынган.
“Мекеним Ала-Тоо” коомдук бирикмесинин жетекчиси Жамиля Бегиева Москвада жашаган кыргызстандыктардын айрымы үй-бүлөсү менен шаар четине чыгууну пландап жатканын айтты.
20-мартка карата алынган маалымат боюнча, Россияда коронавирус жуктуруп алгандардын саны 199 болсо, анын 98и — Москвада. Кыргызстанда коронавирус алты адамдан чыкты. Маанилүү иш-чаралардын баары токтотулду.
11-март күнү Дүйнөлүк саламаттыкты сактоо уюму коронавирус пандемиясын жарыялаган. Жалпы жонунан 230 миңден ашуун киши вирусту жуктуруп алса, анын 10 миңдейи каза тапты.
