БИШКЕК, 6-мар. — Sputnik. Кыргызстанда орун алмашуу жолу менен эки театрдын директорлору жаңыланды. Бул тууралуу Маданият, маалымат жана туризм министрлигинен кабарлашты.
Ведомствонун буйругу менен Нарын облустук Муратбек Рыскулов атындагы академиялык драма театрынын директору Темирлан Сманбеков Бишкектеги Бакен Кыдыкеева атындагы Кыргыз мамлекеттик жаш көрүүчүлөр театрынын директорлугуна дайындалды.
Ал эми бул мекеменин мурдагы жетекчиси Жолдошбек Жанжигит уулу Сманбековдун ордуна облустук театрды жетектемей болду.
