БИШКЕК, 2-мар. — Sputnik. Сеулдун бийлиги "Храм скинии свидетельства Шинь-чонджи" сектасынын 12 лидерине каршы прокуратурага арыз жазды. Алар Түштүк Кореяда коронавирусту атайылап жайылткан деп айыпталып жатышат. Бул тууралуу ВВС жазды.
Маалыматка караганда, сектанын бардык 230 миң мүчөсү кароодон өткөрүлгөн. Алардын 9 миңинен симптомдор байкалган, ал коронавирус болушу мүмкүн. Сектанын 88 жаштагы лидери Ли Ман Хи дагы анализ тапшырып, бирок андан Covid-19 аныкталган эмес.
РИА Новостинин жазганына караганда, Түштүк Кореядагы 2113 адамдын ооруп калышын ушул секта менен байланыштырып жатышат.
Акыркы маалыматтар боюнча, аталган өлкөдө вирусту жуктургандардын саны 4212 адамга жетти. Алардын 22си көз жумган. Сеулда 87, Тэгуда 2705, Кёнсан-Пукто провинциясында 555, Кёнгидо провинциясында 89, Пусанда 83 учур катталды.
