Эки өлкөнүн лидерлери россиялыктар менен кыргызстандыктардын алдында сөз сүйлөп, сахнадан кучакташты.
Гала-концертке Кыргызстан менен Россиянын артисттери катышты. Алардын талантына алты миңге чукул көрүүчү күбө болду.
Эки өлкөнүн эриш-аркак жылына карата саясат, экономика, маданият жана аскерий жаатта 200дөн ашык иш-чара пландалган.
Кремль сарайында президенттер Сооронбай Жээнбеков менен Владимир Путин эки өлкөнүн эриш-аркак жылына старт берди
Аземдин ачылышына эки өлкөнүн алты миңге жакын жараны катышты
Владимир Путин эл алдына чыгып сөз сүйлөдү
Сооронбай Жээнбеков дагы аземге келген эл менен учурашып кайрылды
Эки өлкө үчүн тарыхый окуя катары эсептелген жылдын башталышын жар салган президенттер сахнадан кучакташты
Кремль сарайындагы гала-концертке Кыргызстандан жүздөгөн чыгармачылык топ барган
Сооронбай Жээнбеков менен Владимир Путин масштабдуу шоуга баа беришти
Майрамдык концерттин катышуучулары чеберчилиги менен элдин жүрөгүн балкытты
Аземге ошондой эле эки өлкөнүн жогорку даражадагы аткаминерлери менен дипломаттары көз салышты
Комузчу Закирбек Дүйшөнбек уулу менен балалайка черткен Александр Николайчук чеберчилик жаатында ат салышты. Алар эки өлкөнүн элдик музыкасын аткарышты
Көрүүчүлөр артисттердин актёрдук чеберчилигине суктанып отурушту
Кремль сарайында "Манас" эпосу дагы жаңырды
Бул кечеде опера жылдыздары дагы өнөрүн тартуулашты
Комузчулар ансамбли элдик чыгармаларды аткарып, көрүүчүлөрдүн бүйүрүн кызытты
Укмуштуудай шоу тарыхый окуянын жогорку статусун көрсөттү. Эриш-аркак жылдын алкагында 200дөн ашык иш-чара пландалган.
