Маалымат жыйынына саламаттык сактоо министри Космосбек Чолпонбаев, өзгөчө кырдаалдар министринин орун басары Калыс Ахматов, тышкы иштер министринин орун басары Нурлан Абдрахманов, Чек ара кызматынын төрагасы Уларбек Шаршеев катышууда.
Өкмөттүн 27-февралга карата маалыматы боюнча, республикада коронавирус жуктуруп алгандар жок. Чек арадагы бардык өткөрүү пункттары күчөтүлгөн тартипте иштөөсүн улантууда. Республикалык штаб кыргызстандыктарды эл көп чогулган жерден оолак болууга чакырды.
