Кооптондурган коронавирус. Республикалык штаб билдирүү таратты

© Sputnik / РИА Новости / Медиабанкка өтүүОорукана. Архив
Оорукана. Архив - Sputnik Кыргызстан
Жазылуу
Штаб расмий маалыматтарга гана ишенип, социалдык тармактарда тарап жаткан фейк маалыматтарды көз жаздымда калтырууну өтүндү.

БИШКЕК, 27-фев. — Sputnik. Коронавирустун жайылышын алдын алуу боюнча республикалык штаб билдирүү таратып, кыргызстандыктарды эл көп чогулган жерден оолак болууга чакырды. Бул тууралуу өкмөттө өткөн кезектеги жыйында белгилүү болду.

27-февралга карата берилген маалымат боюнча, ушу тапта Кыргызстанда коронавирус катталган учур жок. Чек арадагы көзөмөл-өткөрүү пункттардын баары күчөтүлгөн тартипте иштеп жатат.

"Мамлекеттик органдар мониторинг жүргүзүп, дүйнө жүзүндөгү абалга көз салып, Дүйнөлүк саламаттык сактоо уюму менен тыгыз байланышта иштеп жатат. Январдын аягынан тарта эпидемиологиялык абал курчуп турган мамлекеттерден келген жарандардын баары тыкыр текшерүүдөн өтүп, карантинге алынып, ошондон кийин гана өлкө аймагына киргизилүүдө. Бүгүнкү күндө Япония, Түштүк Корея, Иран, Кытай жана Италиядан келгендер карантинде. Тизме вирустун жайылышына жараша уланышы мүмкүн. Кыргызстандыктарды колдон келишинче эл көп чогулган жерден алыс болууга, жеке гигиена эрежелерин дыкат сактоого, балдар арасында түшүндүрүү иштерин жүргүзүүгө чакырабыз", — деп айтылат маалыматта.

Зыярачтылар. Архив - Sputnik Кыргызстан
Бүгүн 120 зыяратчы кетмек. Умрага барчу кыргызстандыктар эмне болот?
Мындан тышкары, расмий маалыматтарга гана ишенип, социалдык тармактарда тарап жаткан фейк маалыматтарды көз жаздымда калтырууну өтүндү.

Жыйындын соңунда Монополияга каршы жөнгө салуу мамлекеттик агенттигине дары-дармекке жана негизги азык-түлүктүн баасына көзөмөлдү улантуу тапшырылды. Ал эми Билим берүү жана илим министрлиги окуучулардын арасында  коронавирус жана жеке гигиена эрежелери тууралуу түшүндүрүү иштерин күчөтүүгө милдеттендирилди.

Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери

Жаңылыктар түрмөгү
0