БИШКЕК, 25-фев. — Sputnik. Ирандын саламаттыкты сактоо министринин орун басары Ирадж Харирчи коронавирус жуктуруп алды. Бул тууралуу министрдин кеңешчиси Али Реза Вахабзаде билдиргенин РИА Новости жазды.
مشاور وزیر بهداشت: تست ابتلای حریرچی، قائم مقام وزیر بهداشت به کرونا مثبت شد pic.twitter.com/hGbFvEU18d
— خبرگزاری ایسنا (@isna_farsi) February 25, 2020
Кечээ Харирчи жана Иран өкмөтүнүн өкүлү Али Рабии маалымат жыйын өткөргөн. РИА Новостинин кабарчысы министрдин орун басары ошол учурда дагы тынбай жөтөлүп жатканын айтты.
حریرچی: من هم کرونایی شدم، حتما کرونا را شکست میدهیم pic.twitter.com/EvqGudeyWe
— خبرگزاری ایسنا (@isna_farsi) February 25, 2020
"Соңку күндөрү илдетке каршы күрөшүү иштеринин башында турган саламаттыкты сактоо министринин орун басары Харирчи тест тапшырганда коронавирус жуктурганы аныкталды", — деп жазган министрдин кеңешчиси Twitter баракчасына.
Аталган өлкөдө коронавируска кабылгандардын саны 61ге жетип, 12 адам каза болгон.
Жугуштуу оору Кытайдан башка өлкөлөрдө да жайылып жатканына байланыштуу кыргыз өкмөтү бүгүн Түштүк Корея, Иран жана Япониядан келгендерге карантиндик тартип киргизди.
Соңку маалыматтарга караганда, дүйнө боюнча вирустан 2 663 киши көз жумуп, жуктургандардын саны 80 миңге чукулдады. Ошол эле учурда 27 миңден ашуун адам айыкканы белгилүү болду.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери
