БИШКЕК, 24-фев. — Sputnik. Шейшемби күнү, 25-февралда, күндүз Чүй, Ош, Жалал-Абад, Ысык-Көл облустарынын кээ бир райондорунда жамгыр, тоолуу райондордо жана Нарын облусунда кар жаайт. Тоо этектеринде жана тоолуу райондордо жолдор тоңуп, тайгалак болуп, күрткү жаралат. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Таласта + 8…+13, Ысык-Көлдө + 3…+8, Ош, Жалал-Абад, Баткен облустарында +10…+15 градус болот. Ал эми Нарында суук өкүм сүрүп, термометр 0…-5 градусту көрсөтөт.
Бишкек жана Ош шаарларында жамгыр, кар жаашы мүмкүн. Күндүн табы Бишкекте + 15…+17, Ошто + 14…+16 градуска чейин көтөрүлөт.
