БИШКЕК, 17-фев. — Sputnik. Жарандары Ирандын соккусунан кыйраган учакта каза тапкан мамлекеттер Иранды сотко бериши мүмкүн. Бул тууралуу Украинанын тышкы иштер министри Вадим Пристайко Мюнхенде коопсуздук боюнча өткөн конференцияда айтканын РИА Новости жазды.
Министрдин айтымында, Украина Ирандан ыкчам аракеттерди күтүп жатат. Эгер бир нече мамлекет күтүп жаткан аракет болбосо, алар "эл аралык сотко кайрылышы ыктымал".
"Биз көпкө күтө албайбыз. Ошентсе да Иранды кыймылга келет деп ишенип турабыз. Болбосо эл аралык укук ченемдерин колдонууга аргасыз болобуз", — деди ал.
Пристайконун айткандарын Франциянын ТИМ башчысы Франсуа Шампань да ырастап, алынган жоопкерчилик анын кесепетин жоюуну да шарттай турганын кошумчалады.
Авиакырсыктын чоо-жайы
Үч күндөн кийин Ирандын аскерий адамдары каргашанын жоопкерчилигин мойнуна алышкан. Иран тараптын айтымында, аба кемеси аскер объектинин жанынан учуп бараткандыктан, аны АКШнын аскерий учагы деп жаңылыштык менен атып алган.
Иран жоопкерчиликти мойнуна алып, өзүнүн аймагында учактын кулашынан каза тапкандардын үй-бүлөсүнө 80 миң доллардан компенсация берүүнү сунуштады. Бирок Киев ага макул болгон эмес.
