Шевченко америкалык Чукагянды баш көтөртпөй жеңип алды

© AP Photo / Kamil KrzaczynskiКыргызстандык мушкер Валентина Шевченко. Архив
Кыргызстандык мушкер Валентина Шевченко. Архив - Sputnik Кыргызстан
Жазылуу
Yandex newsTelegram
Кыргызстандык спортчу чемпиондук курду 2018-жылы польшалык Йоанна Енджейчикти уткандан кийин тагынган.

БИШКЕК, 9-фев. — Sputnik. Кыргызстандык мушкер Валентина Шевченко америкалык Кэтлин Чукагянды техникалык нокаут менен жеңип, дагы бир ирет UFC чемпиону болду.

Посмотреть эту публикацию в Instagram

Публикация от UFC Russia (@ufcrussia)

Ушуну менен кыргызстандык спортчу чемпиондук наамын үчүнчү ирет коргоду.

Валентина Шевченко (Кыргызстан) во время боя с Кэтлин Чукагян (США) на UFC 247 в Хьюстоне. 8 февраля 2020 года - Sputnik Кыргызстан
Шевченко менен Чукагяндын беттеши. Тексттик трансляция
Мушкер кыздардын беттеши Бишкек убактысы боюнча 9-февралда эртең менен Техас штатынын Хьюстон шаарында UFC 247 турниринин алкагында өттү.

Биринчи бөлүктө Шевченко атаандашын басып алып чыканак менен урганда маңдайы жарылып кетти. Экинчи раундда дагы партерде иштеп, күтүлбөгөн соккуларды жасап атаандашынын айласын кетирди. Үчүнчү раунд башталары менен Шевченко Чукагянды көтөрүп чаап, токтоосуз бетке уруп кирди. Буга чыдабаган атаандашы багынып берүүгө аргасыз болду.

Шевченко чемпиондук курду 2018-жылы польшалык Йоанна Енджейчикти уткандан кийин тагынган. Быйыл америкалык мушкерлер Жессика Ай менен Лиз Кармушту жеңип, наамын коргоп калган.

Ал эми атаандашы Чукагян ММА боюнча 13 беттешти утуп, эки ирет жеңилүү ызасын тарткан.
UFC уюмунда 2016-жылдан бери таймашып келет. Бул убакыт аралыгында эки ирет калыстардын добушу менен жеңишке жетишип, Шевченко менен беттешүү талабын койгон болчу.

Жаңылыктар түрмөгү
0