БИШКЕК, 7-фев. — Sputnik. Келерки жумада Кыргызстанда аба ырайы кескин төмөндөйт. Бул тууралуу ӨКМден билдиришти.
Маалыматка караганда, 10-февраль күнү өрөөндөрдө түнкүсүн жамгыр, кар жаайт.
7 Бирдин айы 2020, 16:19
10, 11 жана 12-февралда Чүй, Талас, Ош жана Жалал-Абад облустарынын кээ бир райондорунда түнкүсүн жаан-чачын көбүрөөк түшөт. Тоолуу аймактарда жолдор тоңуп, тайгалак болот.
Бир катар райондордо шамалдын ылдамдыгы секундасына 17-22 метрге жетери кабарланды.
Синоптиктер абанын температурасы бир топ төмөндөй тургандыгын айтты.
ӨКМдин маалыматына караганда, 13-14-февралда мезгил-мезгили менен кар жаашы мүмкүн, бирок абанын температурасы көп деле өзгөрбөйт.
